सोसवेना चंद्र मजला सोसावेना चांदणी
त्या नभीच्या लक्ष तारा उतरल्या ह्या अंगणी
जुई बहरली रात्र सरली स्वप्न उरली लोचनी
त्या उराच्या गोड तारा छेडील्या मनभावनी
हात हाती देत असता धार नजरी टोचते
लाल गाली रंग भरता लास्य हृदयी पोचते
घेऊनी कवेत साऱ्या अर्थ मनीचा गावला
मोरपंखी स्पर्श सखया नेत्र गात्री भावला
ओळखुनी ते इशारे द्वारअलगद लोटले
अंतरंगी सूर बरसुनी स्फटिक किरणी गोठले
- प्राजक्ता साठे
No comments:
Post a Comment